Kasama ang kanyang asawa na isang PWD, 14-anyos na anak na si Manuel na may epilepsy at ang 10-anyos na bunsong si Renalyn na may hydrocephalus, buong tapang na isinama ni Irene ang kanyang buong pamilya sa unang pagkakataon. <br /><br />Isa lang daw ang hiling niya sa poon, ang pagalingin ang mga pinagdadaanan ng kanyang asawa at mga anak. <br /><br />“Noong una umiiyak kami pero ngayon dahil lumalapit kami kay Lord, hinihiling po namin na maoperahan si Renalyn.”<br /><br />Mabigat man ang pinagdadaanan, tila gumaan daw ang pakiramdam ni Irene nang magtulung-tulong ang mga deboto na maiakyat ang anak para mahawakan ang poon. <br /><br />Ngayong taon, isinagawa ang kauna-unahang Walk of Faith o ang alternatibo sa nakasanayang Traslacion. Wala man daw ang andas, ramdam pa rin ang taimtim na pagdarasal ng mga deboto at ang kanilang kagustuhang matupad ang kani-kanilang kahilingan.<br /><br />Panoorin ang buong kaganapan sa report na ito.<br />
